2025 жылдың мамыр айынан бастап америкалық OpenAI компаниясы әзірлеген ChatGPT интеллектуалды чат-боты Қазақстанда енді қосылған құн салығын (ҚҚС) төлейді, деп хабарлайды Life09 ақпарат агенттігі Stan.kz-ке сілтеме жасап.
Бұл туралы қаржы министрлігінің мемлекеттік кірістер комитеті хабарлады.
“OpenAI-ді шартты салық төлеуші ретінде тіркеу – цифрлық экономикада ашықтық пен тең салық салу шарттарын қамтамасыз ету бойынша жүйелі жұмыстың бөлігі. 2022 жылдан бастап Қазақстанда цифрлық қызметтерге салық – қазақстандық пайдаланушыларға қызмет көрсететін трансұлттық IT компанияларды қамтитын "Google салығы" деп аталатын салық күшіне енді”, – делінген хабарламада.
Енді OpenAI басқа жаһандық цифрлық платформалар сияқты Қазақстан аумағында жеке тұлғаларға қызмет көрсеткені үшін ҚҚС төлеуге міндетті.
ChatGPT — мәтіндік сұрауларды талдай алатын, логикалық жауаптарды құра алатын және оқуға, бағдарламалауға және шығармашылыққа көмектесе алатын GPT тіл үлгісіне негізделген қуатты AI құралы. Ол білім беруден бизнеске дейін әртүрлі салаларда виртуалды көмекші ретінде белсенді түрде қолданылады.
Мемлекеттік кірістер комитеті Қазақстанның салық жүйесіне халықаралық цифрлық қызметтерді тарту жұмыстары жалғасатынын атап өтті. Бұл қарқынды дамып келе жатқан цифрлық экономика жағдайында неғұрлым әділ және ашық салықтық ортаны құруға мүмкіндік береді.
Еске салсақ, Қазақстанда мемлекеттік қызметкерлерге ChatGPT-ді пайдалануына тыйым салынатыны туралы хабарлаған едік.
