Шахтинск қаласында тұрғындар арасында сыбайлас жемқорлыққа қарсы бағытталған арнайы акция өтті. Іс-шараның мақсаты – қоғамда сыбайлас жемқорлыққа төзбеушілік мәдениетін қалыптастыру және адалдық қағидаттарын насихаттау болды.
Акция барысында тұрғындарға сыбайлас жемқорлықтың зияны мен оны алдын алу жолдары туралы ақпарат беретін арнайы буклеттер мен материалдар таратылды. Қатысушыларға өз құқықтары мен міндеттері туралы мағлұмат алуға мүмкіндік берілді.
Іс-шараның қорытындысында тұрғындар сыбайлас жемқорлыққа қарсы күрестің маңыздылығын түсініп, адалдық пен әділдікке шақырылды. Бұл бастама қоғамда жауапкершілік пен ашықтықты нығайтуға өз үлесін қосты.
