Алматы қаласында Ақсай өзенінің арнасын тазарту жұмыстары барысында 100 тоннаға жуық қоқыс шығарылып, судың кедергісіз ағуы қамтамасыз етілді. Аталған шара сел қаупінің алдын алу мақсатында жүргізіліп жатыр, деп хабарлайды Life09 ақпарат агенттігі Sputnik_aitady-ға сілтеме жасап.
Төтенше жағдайлар министрлігінің мәліметінше, қазіргі уақытта қала аумағында сел қаупі жоғары 11 учаске анықталып, тәулік бойы бақылауға алынған. Мамандар гидрологиялық жағдайды үздіксіз қадағалап отыр.
Маңызды жағдай: Ауа температурасының көтерілуі мен мұздықтардың белсенді еруіне байланысты мореналық көлдердегі су деңгейі қарқынды өсіп келеді.
Ықтимал төтенше жағдайларға жедел әрекет ету мақсатында Алматыда 6 жедел штаб құрылды.
Алматыда Ақсай өзенінің арнасынан 100 тонна қоқыс шығарылды
Фото: Gemini ИИ
