Индонезияда жанартау атқылап, 20 турист жоғалып кетті. Дуконо жанартауы атқылаған аймақта құтқарушылар туристерді іздестіріп жатыр.
Reuters агенттігінің мәліметінше, жоғалғандардың арасында Сингапурдың 9 азаматы және Индонезия тұрғындары бар. Іздеу-құтқару жұмыстарына 10-ға жуық құтқарушы мен полиция қызметкері жұмылдырылған.
Жергілікті билік тұрғындар мен туристерге жанартау кратеріне 4 шақырымнан артық жақындамауға шақырды. Сондай-ақ нөсер жауын кезінде жанартаулық лай көшкіні жүру қаупі бар екені ескертілді.
Мамандардың айтуынша, атқылау кезінде жанартаудан шыққан күл бағаны теңіз деңгейінен 11 шақырымнан астам биіктікке көтерілген.
Дереккөз: t.me/qazaqstantv
