Қызылордадағы балабақшалардың бірінде өрт болып, 93 адам қауіпсіз жерге шығарылды

Оқиға «Ақбілек-орда» бөбекжайында тіркелген. Өрт екі қабатты ғимараттың жертөле бөлігінде тұтанған, деп хабарлайды Life09 ақпарат агенттігі Qazaqstan.tv-ға сілтеме жасап. Тұрғындар мен қызметкерлердің жедел әрекетінің арқасында 93 адам эвакуацияланды, оның 85-і – балалар. Кейін құтқарушылар тағы 5 адамды сыртқа алып шықты.

Жалын шамамен 28 шаршы метр аумақты қамтыған. Өрт дер кезінде ауыздықталып, толықтай сөндірілді. Қазіргі уақытта оқиғаның шығу себептері анықталып жатыр.