Астана әуежайында кеденшілер ұялы телефондарды заңсыз әкелуге қатысты 10 деректі анықтады. Тексеру кезінде жалпы саны 223 iPhone 18 смартфоны мен 10 жұп AirPods тәркіленді, деп хабарлайды Life09 ақпарат агенттігі Baq.kz-ке сілтеме жасап.
Жолаушылар құрылғыларды кедендік декларация толтырмай, «жасыл дәліз» арқылы өткізуге тырысқан. Тіпті бір адамның жүгінен бірден 50 смартфон табылған.
Кеден қызметкерлерінің мәліметінше, ұсталғандардың төртеуі жеке кәсіпкер ретінде тіркелген. Ал тағы төрт адамның кәсіпкерлік мәртебесі болмаған.
Қолданыстағы талап бойынша жеке тұлға екі смартфоннан артық алып өтсе, тауар міндетті түрде кедендік декларациялаудан өтуі тиіс.
Тәркіленген құрылғылар уақытша сақтау қоймасына орналастырылды. Қазір заң бұзушылықтарға қатысты әкімшілік шаралар қабылданып жатыр.
Астана әуежайында жүздеген iPhone-ды декларациясыз алып өтпек болған
Фото: Gemini ИИ
