Астана маңында бір отбасының екі қызы суға кетіп, көз жұмды

Ақмола облысында демалып жүрген бір отбасының екі қызы суға кетіп, қаза тапты.

Қайғылы оқиға Целиноград ауданының Қоянды ауылы маңындағы орталық жағажайда болған. 2015 және 2017 жылы туған әпкелі-сіңлілі қыздар ата-анасымен бірге демалып жүрген.

Алдын ала мәлімет бойынша, ата-анасы бір сәтке балаларын көзден таса қылған. Көп ұзамай екі қыздың да денесі судан табылған.

Ақмола облысының полиция департаменті оқиғаны растады. Аталған дерек бойынша қылмыстық іс қозғалып, тергеу басталды.

Дереккөз: Stan.kz