Қарағанды облысында тауда адасқан ерлі-зайыпты құтқарылды

Қарағанды облысының Қарқаралы ауданында таулы аймақта адасып қалған ерлі-зайыптыны құтқарушылар тапты.

Саңырауқұлақ теруге шыққан ерлі-зайыпты Комиссаровка шатқалынан Үш тас тауына қарай барған. Кейін олармен байланыс үзілген. Бұл туралы құтқарушыларға олардың немерелері хабарлаған.

ТЖМ-нің іздестіру тобы ерлі-зайыптыны Комиссаровка шатқалынан шамамен 20 шақырым жердегі Қаратока кордоны маңынан тапты.

Олардың медициналық көмекті қажет етпегені белгілі болды. Құтқарушылар ерлі-зайыптыны қауіпсіз жерге жеткізді.

Дереккөз: ҚР Төтенше жағдайлар министрлігінің ресми телеграм каналы