Облыс әкімі әлеуметтік желідегі парақшасында тұрғындарды жаңа Конституцияның қолданысқа енуімен құттықтап, бұл құжат Қазақстанның дамуындағы жаңа тарихи кезеңнің бастауы екенін атап өтті.
Өңір басшысының айтуынша, жаңа Конституциямен бірге мемлекеттік билік жүйесі де жаңарады. Екі палаталы Парламенттің орнына бір палаталы Құрылтай жұмыс істеп, жаңа конституциялық орган – Қазақстан Халық Кеңесі құрылады. Бұл өзгерістер мемлекет пен қоғам арасындағы диалогты нығайтып, азаматтардың маңызды шешімдерді қабылдау үдерісіне қатысу мүмкіндіктерін кеңейтеді.
«Бүгін біздің елімізде жаңа Конституция қолданысқа енеді. Бұл – мемлекетіміздің дамуының жаңа кезеңін ашатын маңызды тарихи белес. Жаңа Конституциямен бірге мемлекеттік билік жүйесі де жаңартылады. Екі палаталы Парламенттің орнына бір палаталы Құрылтай жұмыс істейтін болады, сондай-ақ жаңа конституциялық орган – Қазақстан Халық Кеңесі құрылады. Бұл өзгерістер мемлекет пен қоғам арасындағы диалогты нығайтып, азаматтардың маңызды шешімдерді қабылдауға қатысу мүмкіндіктерін кеңейтеді», – деді облыс әкімі.
Сонымен қатар, ол жаңа Конституциядағы басты қағидат – адам және оның өмір сапасы екенін атап өтті.
«Өз тарапымыздан жаңа Конституцияның адам мен оның өмір сапасы басымдық болып табылатын қағидаттарының нақты істерде көрініс табуы үшін дәйекті түрде жұмыс істейтін боламыз. Сондықтан облыстық бюджеттің 50 пайыздан астамын әлеуметтік салаға бағыттаймыз. Облыстың барлық елді мекендері орталықтандырылған сумен қамтамасыз етілген, жаңа мектептер мен медициналық нысандар салынуда, жол инфрақұрылымы дамып, жаңа жұмыс орындары құрылуда», – деді өңір басшысы.
Сөз соңында облыс әкімі жаңа Конституция елдегі оң өзгерістердің негізіне айналып, билік пен қоғамның бірлескен күш-жігері әділетті, қуатты әрі гүлденген Қазақстанды құруға мүмкіндік беретініне сенім білдірді.
«Жаңа Конституция оң өзгерістер мен билік пен қоғамның бірлескен күш-жігерінің негізі болатынына сенімдімін. Осы арқылы біз әділ, күшті және гүлденген Қазақстанды құра аламыз», – деп түйіндеді облыс әкімі.