Павлодарда су құбырларын жөндеу барысында қайғылы оқиға орын алды.

Топырақ опырылып, бес жұмысшыны басып қалған, деп хабарлайды Life09 ақпарат агенттігі t.me/stankznews-ке сілтеме жасап.

Өкінішке қарай, олардың екеуі оқиға орнында көз жұмды.

Төтенше жағдайлар департаментінің мәліметіне сәйкес, құтқарушылар жеткенге дейін әріптестері бір жұмысшыны өз күштерімен сыртқа шығарып үлгерген. Кейін келген құтқару тобы топырақ астынан тағы екі зардап шеккен азаматты және екі марқұмның денесін алып шықты.

Қазіргі таңда жарақат алған екі жұмысшының жағдайы ауыр, олар жансақтау бөлімінде жатыр.

Аталған дерек бойынша полиция тергеу жүргізіп, оқиғаның нақты себептері анықталуда.