Шығыс Қазақстан облысында әскери қызметкер қаза тапты

Шығыс Қазақстан облысында қайғылы оқиға тіркелді. Өскемен гарнизонында қарауыл қызметін атқарып жүрген мерзімді әскери қызметкер жарақат алып, оқиға орнында көз жұмды, деп хабарлайды Life09 ақпарат агенттігі Stan.kz-ке сілтеме жасап.

Алдын ала мәліметке сәйкес, сарбаз өзіне тиесілі қарудан оқ атқан. Ол 2024 жылдың сәуір айында әскер қатарына шақырылған.

Аталған дерек бойынша қылмыстық іс қозғалып, барлық мән-жайды анықтауға бағытталған тергеу амалдары басталды.

Оқиға орнына Қорғаныс министрлігінің өкілдері келді. Арнайы комиссия вице-министр Асқар Мұстабековтің жетекшілігімен жұмыс жүргізуде.